Читать онлайн «Иван III». Страница 27

На подлинной подписано: Смиренны Филипп Архиепископ всеа Руси.

К сей грамоте приложены две восковые печати.

На обороте грамоты написано: Докончалная княжа Михаилова, коли отдал Вышегород, ина у него взята, а новая ему дана, что он подо всею братью Великого князя в молодших.

Договорная взаимная грамота Великого князя Иоанна Васильевича и сына его Великого князя Ивана Ивановича, и братьев князя Андрея и князя Бориса Васильевичей и князя Михаила Андреевича с Великим князем Рязанским Иваном Васильевичем: о бытии им в дружбе и согласии; о незаключении с Польшею и Литвою мира против Великого князя, ни с детьми князя Можайского, Шемяки и Ярославичевым сыном, ни с царевичем Даньяром, которому с Рязанской земли ежегодно давать обыкновенную подать; о вспоможении князю Разанскому в случае нападения на него поляков и литовцев; о невладении Рязанскому князю Мещерскими, татарскими и мордовскими местами; о управлении всякому своими землями как им, так и по смерти их детям, по старым рубежам; о грабежах, судах, расправах, мытах и пошлинах – за подписанием Московского митрополита Геронтия.

Писана 9 июня 1483 года.

Божьею милостью и пречистые его Матери, и по благословению отца нашего Геронтия Митрополита всеа Руси. На сем на всем, брате молодший князь Великии Иван Васильевич, целуй ко мне крест к своему брату старейшему к Великому князю Ивану Васильевичу, и к моему сыну, к своему брату старейшему, к Великому князю Ивану, и к нашему брату молодшему ко князю Андрею Васильевичу, и к нашему брату молодшему ко князю Борису Васильевичу, и к меншему нашему брату ко князю к Василью: имети ти меня Великого князя себе братом старейшим, и моего сына Великого князя имети ти себе братом старейшим; а брата нашего молодшего князя Андрея имети ти его себе братом, а брата нашего молодшего князя Бориса, и меншего нашего брата князя Михаила и сына его князя Василья имети ти себе братьею молодшею. А добра ти нам хотети везде во всем, где бы то ни было; а что ты слаша о нашем добре или о лисе от христианина, иили от литвина или от иноверца, то ти нам поведати в правду без примышленья. А быти ти со мной с Великим князем и с моим сыном с Великим князем везде за один без хитрости; а нам Великим князем с тобою быти везде за один, и печаловатися тобою и твоею отчиною без хитрости; а где будешь хотя послал на наше лихо, тамо ти отослати. А с королем с Казимиром и с Великим князем Литовским, или кто иной будет князь Великии на литовской земле, не канчивати ти, не ссылатися с ним на наше лихо, ни в его ти ся имя с своею землею не дати; а от нас ти к Литовскому никоторыми делы не отступити, а быти ти с нами с Великими князьями на Литовского везде за один. Также ти, брате, и с нашими лиходеи со княжими с Ивановыми детми Можайского, и со княжими с Ивановыми детми Шемячича, и с Ярославича сыном не канчивати ти с ними, ни к собе их не примати, ни ссылатися с ними никоторою хитростию; а быти ти с ними на них везде за один. Также нам кто иный лиходей будет, а побежит из нашие земли в таою землю, и тебе и того не приимати к себе; а быти ти на него с нами с Великими князьями за один, также и на всякого нашего недруга быти ти с нами везде за один и на Татар. А учнет к тебе с чем присылати король и Великий князь литовский, и нам Великим князем пойти самим тобя боронити; а пошлет на себя своих воевод, и нам послати своих воевод тебя боронити, а кто тебя почнет обидети, а от кого ся сам не взможешь оборонити, и нам тобя от того боронити. А как даст Бог учнем имати любовь и докончание с королем и с Великим князем литовским, и нам тебя писати в своем докончанье, что еси с нами один человек; а тебе с ним не канчивати ни с иными ни с кем. А где пойдем вы Великие князи ратью на своего недруга, и тебе Великому князю Ивану самому пойти с нами без ослушанья; а где пошлем воевод своих, и тебе послати с нашими воеводами своих воевод в правду без хитрости. А с царевичем Даньяром, или кто будет иный царевич на том месте, не канчивати ти с ними, ни ссылатися на наше лихо; а жити ти с ними по нашему докончанью. А что шло царевичу Касыму и сыну его Даньяру царевичу с вашие земли при твоем деде при Великом князе Иване Федоровиче и при твоем отце при Великом князе Василие Ивановиче, и что царевичевым князем шло и их казначеем и даругам: а то тобе давати с своее земли царевичу Даньяру, или кто иной царевич будет на том месте, и их князем и княжим казначеем и даругам, по тем записем, как отец мой князь Велики Василий Васильевич за твоего отца за Великого князя Василья Ивановича кончал со царевичемы с Касымовы князьми с Кобяком с Айдаровым сыном, да с Исаком с Ахматовым сыном. А ясачных людей от царевича от Даньяра, или кто будет на том месте иной царевич, и от их князей тобе Великому князю ивану и твоим бояром и твоим людем не принимати. А которые люди вышли на Рязань от царевича и от его князей после живота деда своего Великого князя Ивана Федоровича бессермен, или мордвин, или мочяри, черные люди, которые ясак царевичу дают: и тобе Великому князю Ивану и твоим бояром тех людей отпустити добровольно на их места, где кто жил; а кто не похочет на свои места пойти, ино их всилу не вывести, а им царевичу давати его оброки и пошлины по их силе. А что давали те люди деду твоему Великому князю Ивану Федоровичу и отцу твоему Великому князю Василью Ивановичу; и ты свои пошлины емлешь, а цвревичу в то не вступатися: ни его князем. Также и опроче того, который царь или царевич будет у нас в нашей земле, не канчивати ти с ними, ни ссылатися на наше лихо; а учнут тебя чем обидети, и нам за тобя стояти и боронити. А отчины ти нашие Москвы и Коломны с волостми, и всего нашего Великого княженья под нами под Великими князьями не обидети, не вступатися, ни под нашими детми ни твоим детем никоторою хитростью; а нам Великим князьям твоей отчины Переяславля Рязанского и всех Переславских мест, что потягло к Переяславлю, не обидети, ни вступатися, ни нашим детем и под твоими детми никоторою хитростью. А межи нас роздел земле ниже Коломны по реце по Оце по Цну, от усть Цны вверх по Цне, что на Московской стороне, то к Москве; а что на Рязанской стороне, то к Рязани. А что Володимерское порубежье, а то по тому, как было при наших прадедах и дедах, при Великом князе Иване Даниловиче, и при Великом князе Семене Ивановиче, и при Великом князе Иване Ивановиче, и при Великом князе Дмитрии Ивановиче, и при Великом князе Василии Дмитриевиче, и при нашем отце при Великом князе Василии Васильевиче, и при твоем прадеде при Великом князе Иване Ярославиче, и при великом князе Иване Ивановиче, и при Великом князе Иване Александровиче, и при Великом князе Олеге Ивановиче, и при твоем прадеде при Великом князе Федоре Ольговиче, и при твоеи деде при Великом князе при Иване Федоровиче, и при твоем отце при Великом князе Василии Ивановиче. А что купля отца нашего Великого князя Василия Васильевича за рекою за Окою Тешилов и Венев и Растовец и иные места, и тем нашим землям с твоею землею рубеж от Оки с усть Смедвы наверхпо СМедве до усть Песоченки, а Песоченкою до верховья Песоченского, а от верховья Песоченки через лес прямо к Осетру к усть Кудесне, а Кудесною вверх до верховья, а от верховья Кудесны прямо вверх Табалом, а по Табалом на низ в Дон. И что перешло за тот рубеж тое купли отца нашего Великого князя Василия на твою сторону, инам Великим князем в то не вступатися, ни подъискивати, ни нашим детем под твоими детми никоторою хитростью; а что перешло твоей земли Великого князя Рязанские за тот рубеж на нашу сторону, и в то ся тебе у нас не вступати, ни подъискивати под нами под Великими князьми, ни под нашими детми ни твоим детем никоторою хитростью. А что за Доном твое Великого князя Иваново Романцево с уездом, и что к нему потягло, и нам Великим князем в то не вступатися; а тобе не вступатися в нашу отчину в Елец и в все Елецкие места, а Меча нам ведати вообще. А что Мещерские места, что будет покупил прадед твой князь Великии Олег Иванович, или прадед твой князь Великии Федор Ольгович, или дед твой князь Великии Иван Федорович, или отец твой Василий Иванович, ты или князь Велики Иван Васильевич, или ваши бояра: в те места тебе Великому князю Ивану Васильевичу не вступатися, ни твоим бояром, а знати ти свое серебро и твоим бояром; а земля по давному к Мещере, а порубежье Мещерским землям, как было при Великом князе Иване Ярославиче и при князе Александре Уковиче. А что прадед наш князь Великии Дмитрий Иванович поотимал места татарские и мордовские, и те места нам Великим князям, а тебе ся а них не вступати: а что будет отнял прадед твой князь Велики Олег Иванович татарские места и мордовские, ино то твое и есть, а нам Великим князьям в то не вступатися. А что наши князи Мещерские, которые живут в Мещере и у нас у Великих князей, и тобе их к себе не принимати; а побежет от нас, и тебе добывати их нам без хитрости, а добыв ти их нам выдати. А которой полон побежит из татар в наше землю в Великое княжение, опроче твоей земли полону: и тебе Великому князю Ивану тот полон велети отпущати в нашу землю добровольно со всем, с чем будут выбежали. А суд общий межи нас по преставленье отца нашего Великого князя Василия Васильевича: а которых дел не искали при нашем отце при Великом князе Василье Василевиче, пристава не было, за поруку не дано, тому погреб; а кто за порукою или за приставом, тому суд; а которые дела суженые или поле не кончалося, а то кончати. А нам Великим князем в суды вопчие не вступатися; а судьям нашим сести судити, целовав крест, что им судити в правду, а судити им по старине. А где ся учинить разбой и татба и наезд из твоее отчины на наших людей, и о том суда общего не ждати, отослати нам на то своих судей, да велети нам тому исправа учинити без перевода; а не даси исправы, или судьи твои судом переведут, и нам свое отняти, а то нам не в измену. А судьи наши общие о чем ся сопрут, и они себе берут трех князей наших земель; а на ком ищут, и тот судья себе берет из трех одного. А суженого не посужати; а суженое, положеное, заемное, поручное дати по исправе; а холопа, робу, поручника, должника, татя, разбойника, душегубца, порубежника по исправе выдати. А пошлин с беглеца с семьи два алтына, а с одинца алтын; а мытные держати старые пошлины, которые бывали при наших прадедах и дедах и при наших отцех, а новых нам мытов ип пошлин не замышляти. А мыта с воза и в городех денга, а с пешехода мыта нет; а тамги и всех пошлин от рубля алтын, а с лодьи с доски по алтыну, а с струга с набои два алтына, а без набои денга; а со князей Великих лодей пошлин нет. А вывода нам и рубежа не замышляти; а боярам и слугам межи нас волным воля. А на сем на всем, князь Великии Иван Васильевич, целуй ко мне крест к своему брату к старейшему к Великому князю Ивану Васильевичу, и к моему сыну, к своему брату старейшему, к Великому князю Ивану Ивану, и к нашему брату молодшему ко князю Андрею Васильевичу, и к нашему брату молодшему ко князю к Борису Васильевичу, и к меншему нашему брату ко князю Михаилу Андреевичу, и к его сыну ко князю к Василью, по любви, в правду без хитрости. А писана на Москве, лета девятьдесять первого, июня 9.